Home > Uncategorized > الحدا

الحدا



تعو نحكي شوي عن العلاقات… صرلي فترة بشوف هون وهونيك بكتير مدونات حكي عن العلاقات، وعن كيف البنت اللبنانية صايرة ، ول شباب كمان. حديث عن المصاري ول مظاهر واخر موبايل وأجدد قميص …. وسوشي (هيك شي يعني).

طيب، أنا عندي شي قولو بهيدا الموضوع؛
تنبلش من الاخر المصاري شي مهم، وشي أساسي وخلصنا من هل موضوع… بس الفكرة ما بتوقف هون… هي ولا حتى بتبلش هون…

في عالم إن كان شاب أو بنت بس بدن العريس أو العروس وهون بكون المصاري ول سيارة ول موبايل وشو رأي امي ول بست-فرند تبعي في… شي كتير أساسي…
بس في عالم(و موجودين وبكترة كمان) بدا هيدا الحدا لمتل ما بقولو بعبي الراس،ول مطرح ل هو في (ما قصدي إنو هو كتير ناصح) … إنو تخيلو، إن كان شب أو بنت، حدا فيك تحكي معو من دون ما تخاف على أفكارك أو من أفكارو… تحس حالك فيك تقول كل شي، أو على قليله مش غلط إذا صار وجربت تقول…
حدا بخليك تحس إنو يمكن كوبرنيكوس كان مغلط، وإنو إيه العالم بيبرم حولكم انتو بس تكونو سوا… وإنو معلش إذا ما كان كل شي ماشي على خطة إنت (بالكسرة) أو إنت (بالفتحة) مقررينا من زمان(من قبل ما يغلى البنزين).
حدا ما كتير بيفرق عليك إذا كان في كتير عالم أو كنتو لحالكٌ… حدا ما بكسّر وبخزق فيك تيبين إنو يابا أنا منيّك، أو إنو أنا “ربّا”… حدا بيعرف إنو إنت مش لالو أو لئلا ، ومنو عامل وكالة غير قابلة للعزل عليكي وعلى كل شي بيجي معك أو بيطلع منك (وهيدا الحكي كمان لل مذكر ، تذكير يعني مش أكتر… بما إنو كل شي متبادل) ..
وبعد في كتير قصص عن هيدا الحدا…

بس المهم إنو ، إذا صار ونوجد هيدا الحدا… نوجد بشكل عام مش إنو تواجدتو سوا… في كل العوامل الخارجية يلي راح نشوفا قبل ما عنجد نشوفو… لهني : السيارة، ول موبايل ول شكل ول ضحكة ول قميص ول لهجة و… و… و.
وفي كتير اشيا رح نسمعا قبل ما عنجد نسمعو… وهون هيدا الحدا ببين متل الكل لقبلو (يللي ما نجحو بفحص : “إنت الحدا”) ومنبلش نقول، إنو عنجد بدنا نجرب ؟؟ عنجد بدنا نلعب ريسك؟؟ ومنفوت بدوامة إنو معقول صرنا نحن عم منبش علعريس (أو العروس) ؟؟

بخصوص لكان بدي قولو … إنو مش البنت اللبنانية مدري كيف صايرة أو الشب يعني … العالم بعدو هو هو .. الفرق الوحيد هو إنو العوامل الخارجية عم تزيد، وعم بصير إلى أهمية أكتر وأكتر، لأنو نحنا صرنا نشوف يللي بوجنا كتلة قصص بتنشك بالكهربا (بس ما تكون مقطوعة) وغراض واكسسوار … فطبيعي نصير ننعد من هول ل عم بنبشوا علعريس (أو العروس)… أو يمكن بس عل غراض


Advertisements
Categories: Uncategorized
  1. salimallawzi
    June 22, 2010 at 1:40 PM

    (Y)

  2. June 23, 2010 at 12:11 AM

    1 – kabreh l khat ta ysir yin2ara mitel l bashar

    2 – nazleh plugin inso yamli , u can enable it bl comments, heik bitshaj3eh l bashar yiktbo bl arabeh and discussion to happen in arabic

    3 – i am getting used to ur posts and writing style yalleh ktir ktir m2attash

    4 – i agree with a point u said, abl keno yihtamo bi geir ishya, mitel ano ykun l shab ya3ref yrabe3 l jaras , w yi7mol l jeren w fi yi7mol kis l batata 3a fared 2id and abel l binet ken lezim tkoun ma beyes tima illa imma w shatra bl tabekh wel khyata…. now the “standards” – the same shallow standards – are somehow the same in the “society” , but still once u narrow it to personal level bitsir geir ossa.

    fa heik, eh , ana ktir awiyeh tajeytek comment falsafeh 3ala ur post oh and btw
    nice image 🙂 would be nice to collect those words after a while, each image will have a story in ur mind and a blog post 🙂

  3. June 23, 2010 at 12:17 AM

    حبيت يا حب.. ربا بالتدوين العربي انت.. حب يا حب

  4. June 24, 2010 at 1:05 PM

    اول ما قريت العنوان جلست افكرر سااعه
    ايش يعني ((حدا))وبعد ما خلصت الموضوع فهمت ههه

    من جد كثير صرنا نهتم بالاشياء الثانويه اكثر من كل شي
    وصار الركض وراها شغلنا الشاغل
    دوينه جميله ولفته رائعه ^^ ااستمررر

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: